Бидний түүх
Та бидний чих тавин хүлээж байсан дэлхийн хамгийн том фитнессийн сүлжээ Gold’s Gym-н 715 дахь салбар Улаанбаатарт нээгдэж, үйлчлүүлэгчдээ хүлээн аваад хэдэн сарын хугацаа өнгөрч байна. Өнөөдөр бид Холливудын оддын төгс бие бялдар, эрч хүчийг кинон дээрээс л хардаг байсан цаг хэдийн ард хоцорч дэлхийн хөгжилтэй хөл нийлүүлэн алхаж өөрийгөө цоо шинээр мэдрэх боломжтой боллоо. Хамгийн сүүлийн үеийн төхөөрөмжтэй, олон улсын стандартын дагуу тусгайлан бэлтгэгдсэн орчинд мэргэжлийн багш, дасгалжуулагч нар зөвхөн таны хүсэл, биеийн онцлогт тохирсон ганцаарчилсан хичээлийг тулж заах бөгөөд итгэмээргүй богино хугацаанд өндөр үр дүнг мэдрүүлэхээр амлаж байна.
Гоулдын өв
Фитнесийн үнэнч фэн Жой Гоулд 1965 онд Калифорн мужийн Венисд хамгийн анхны Гоулдс Жимийн салбарыг нээсэн цагаас хойш уг төв нь Америкийн бялдаржуулах урлаг, фитнесийн бэлгэ тэмдэг болсоор ирсэн түүхтэй. Анхны гоулдс жим нь гар хийцийн тоног төхөөрөмжүүдтэй, цөөн хүнийг хамарсан, гэр бүлийн уур амьсгалыг бүрдүүлсэн, хүмүүсийг амжилтанд хүргэхэд чиглэгдсэн урьд өмнө нь байгаагүй хүчин чармайлтаараа онцлог байсан.
Өдгөө Гоулдс фитнес дэлхийн хамгийн том сүлжээ фитнес клубд тооцогдож олны танил алдартнууд, тамирчид, жирийн иргэдийг хүссэн үр дүндээ хүрэхэд туслахаар тууштай ажилласаар байна. Хамгийн чухал нь Гоулдс жим дэлхийн өнцөг булан бүрт хүмүүсийн хүрч чадах боломж бололцоонд хүрэхэд нь тусалсанаар тэдний амьдралд зохих ёсны өөрчлөлтийг оруулж чаддаг байна.
